Android смартфонлар орасида биринчи бўлиб Realme компанияси ўз қурилмалари учун худди Apple каби магнитли симсиз қувватлантиргич — Flash’ни тақдим этди, деб хабар беради IXBT.

Фото: IXBT

Интернетда яқин орада тақдим этилиши кутилаётган Realme флагманининг суратлари пайдо бўлган. Суратларда симсиз MagDart қувватлантиргичини кўриш мумкин — у кутилганидан ингичкароқ кўриниш олган.

Фото: IXBT

Смартфоннинг ўзи ҳақида ҳозирча бирор маълумот йўқ. У эгилган дисплей, Snapdragon 888 процессори, 12 гигабайт тезкор ва 256 гигабайт ички хотирага эга бўлади. Албатта, унинг бошқача хотираларга эга модификациялари ҳам пайдо бўлиши мумкин.

Фото: IXBT

Эслатиб ўтамиз, Apple компанияси июль ўрталарида iPhone смартфонларининг орқа панелига қотириладиган MagSafe аккумуляторини тақдим этганди. Янги MagSafe аккумулятори iPhone 12, iPhone 12 mini, iPhone 12 Pro ва iPhone 12 Pro Max’ларда ишлаш учун мўлжалланган.

Аввалроқ Realme GТ — Snapdragon 888 процессорида ишлайдиган энг арзон смартфон тақдим этилилгани, Realme Naoto Fukasava томонидан яратилган дизайнга эга флагман билан бўлишгани тўғрисида хабар берилганди.