Vivo компанияси фотохромли орқа қопқоққа эга S10 ва S10 Pro смартфонларини тақдим этди, деб хабар беради IXBT.
Компаниядагиларнинг маълум қилишича, ушбу технология уч йил олдин яратилган ва ҳозирда унинг ишлашини томоша қилиш имконияти мавжуд.
Аслида Vivo аввалига мазкур технологияни қуйидаги смартфонларда намойиш этган бўлиб, унда қопқоқ ранги ҳаворангдан тўқ сариқ-кўкка айланган. Бунинг барчаси қуёшнинг тўғридан-тўғри нурлари остида бир неча сония ичида амалга ошган.
Аммо смарфон қопқоғининг бир қисми қуёш нуридан ҳимоя қилинса, ноодатий тасвирларга ҳам эга бўлиш мумкин, бу қурилма эгасининг фантазиясига боғлиқ.
«Афсуски бу каби рангни узоқ вақт сақлаб бўлмайди, аммо тасвирни ҳар куни алмаштириш мумкин», — дейилади хабарда.
Аввалроқ Vivo’нинг «учадиган» смартфони янги тасвирлар орқали намойиш этилганди.
Изоҳ (0)