FullHD+ сифатни қўллаб-қувватловчи 6,4 дюймли AMOLED-экран, сиғими 6000 мА/соатли аккумулятор ва 15 ваттли тезкор қувватланиш функциясига эга Samsung Galaxy М21 (2021) модели тақдим этилди, деб хабар беради Hi-Tech.Mail.ru. Смартфон Exynos 9611 процессори базасида ишлайди.
Қурилманинг фронтал камераси 20 мегапикселлни ташкил этади, учталик камерасининг асосий сенсори 48 мегапикселга тенг, шунингдек, 8 мегапикселли ултракенг бурчак ва 5 мегапикселли чуқурликни ўлчовчи датчик мавжуд.
Янги моделнинг 2020 йилда тақдим этилган Samsung Galaxy М21’дан асосий фарқи Android 11 операцион тизимида (One UI 3.1) ишлаши ва «айрилган» камералар дизайнида.
Нархи бўйича ҳам янги модель устунликка эга: Ҳиндистонда смартфоннинг 4/64 гигабайтли версияси 168 долларга, 6/128 гигабайтли версияси эса 194 долларга сотилмоқда. Ўтган йилги моделнинг базавий версияси 175 долларни ташкил этганди.
Аввалроқ Samsung Galaxy S21 FЕ 5G’нинг сифатли рендерлари тақдим этилгани, Samsung’нинг букланувчан «гармошка-планшет»и янги тасвирларда пайдо бўлгани тўғрисида хабар берилганди.
Изоҳ (0)