Самарқанд вилояти Жомбой туманида содир бўлган йўл-транспорт ҳодисаси оқибатида бир нафар йўловчи вафот этди. Бу ҳақда вилоят ИИБ ЙҲХБ ахборот хизмати хабар берди.
Маълум қилинишича, 18 июль куни туманнинг «Бешбола» МФЙ ҳудудидан ўтувчи автомобиль йўлида Тошкент—Термиз йўналиши бўйича ҳаракатланиб келаётган Lada Largus машинаси йўлнинг белгиланмаган жойидан ўтаётган 24 ёшли йигитни уриб юбориб, ЙТҲ содир этган.
Оқибатда жабрланувчи олган тан жароҳатлари туфайли туман тиббиёт бирлашмасида вафот этган.
Аввалроқ Тошкентда Matiz уриб юбориши оқибатида 65 ёшли фуқаро вафот этгани, Навоийда «Жигули» ва Spark тўқнашиши оқибатида ҳайдовчилардан бири вафот этгани, Сурхондарёда юк машинаси ва икки Nexia иштирокидаги ЙТҲ оқибатида йўловчи ҳалок бўлгани ҳамда Сурхондарёда автомобиль ҳайдаш ҳуқуқидан маҳрум этилган шахс бошқарувидаги Lacetti ва Nexia иштирокидаги ЙТҲ оқибатида йўловчи ҳалок бўлгани ҳақида хабар берилганди.
Изоҳ (0)