Андижон халқаро аэропорти директори лавозимини эгаллаб турган Сайдулло Тўхтасинов лавозимидан олинган Муроджон Жамолов ўрнига Самарқанд халқаро аэропорти директори этиб тайинланди. Бу ҳақда «Gazeta.uz»га Uzbekistan Airports матбуот хизмати хабар берди.

Тегишли қарор 6 июль куни раис Раъно Жўраева раҳбарлигидаги Uzbekistan Airports бошқарув кенгашининг сайёр йиғилишида қабул қилинган. Йиғилишда, шунингдек, Самарқанд аэропортини 2022 йил майида Шанхай ҳамкорлик ташкилоти саммитига хизмат кўрсатишга тайёрлаш масаласи муҳокама қилинган.

«Бугун биз янги директор тайинладик, бундан кейин биз жамоамизни йирик саммитлар пайтида аэропортда хизмат кўрсатиш тажрибасига эга хорижий мутахассислар билан янада кучайтирамиз», — деган Раъно Жўраева.

Uzbekistan Airports раҳбари яқин келажакда Аir Маrakanda билан давлат-хусусий шериклик шартномаси имзоланишини эълон қилди.

Эслатиб ўтамиз, Самарқанд аэропортини 80 миллион доллар инвестиция киритиши керак бўлган Аir Маrakanda хорижий компанияси бошқарувига ўтказилиш режалаштирилган. Ҳукумат компанияга ДХШ шартномасини тендерсиз тузишга рухсат берган.

Самарқанднинг янги халқаро аэропортини 1 сентябрда фойдаланишга топширилиши режалаштирилган. Лойиҳа янги йўловчилар терминали, учиш-қўниш йўлаги ва 26 та самолётлар тураргоҳлари қурилишини назарда тутади. Бугунги кунга келиб, узунлиги 3105 метр ва эни 60 метр бўлган учиш-қўниш йўлагининг қурилиши якунланган.