2020 йилнинг декабрида Hyundai Motor Group ва SoftBank молиявий конгломерати Boston Dynamics роботларини ишлаб чиқарувчини сотиб олиш борасидаги битимларнинг асосий шартларини келишиб олгани тўғрисида хабар берилганди. Meduza нашрининг ёзишича, Жанубий Кореянинг Hyundai компанияси ваниҳоят робот ишлаб чиқарувчининг эгасига айланган.
Ўз навбатида Boston Dynamics битим муваффақиятли якунланганини нишонлаш мақсадида еттита Spot робот-ити BTS кей-поп гуруҳининг «IONIQ: I’m On It» қўшиғига рақсга тушаётгани тасвирланган клипни намойиш этди.
«Механик итлар шу қадар эгилувчанки, бу ҳатто бироз қўрқинчли. Бошқа тарафдан эса видеони қайта ва қайта кўринг келади», — дейилади хабарда.
Маълумот учун, робототехникага ихтисослашган Boston Dynamics компаниясига Марк Райберт ва Массачусетс технологиялар институтининг бир гуруҳ муҳандислари томонидан 1992 йилда асос солинган. 2013 йил охирида компанияни Google сотиб олган, 2017 йилда эса Япониянинг йирик инвестори — SoftBank. 2020 йилда Boston Dynamics саккизта роботлар моделини тақдим этди, хусусан, антроморф Аtlas роботини ҳам.
Аввалроқ Boston Dynamics’нинг робот-ити 74,5 минг доллардан сотувга чиққани, у Сингапур боғида одамлар орасидаги оралиқ масофани текширишни бошлагани тўғрисида хабарлар берилганди.
Изоҳ (0)