Telegram навбатдаги янгиланиши орқали гуруҳ бўлиб видеоқўнғироқларни амалга ошириш, экран трансляцияси, фонни анимация қилиш, хабар юборишда анимация каби қатор янги функцияларни тақдим этди. Бу ҳақда компания сайтида сўз боради.
Гуруҳли видеочақирувлар
Овозли чатлар энди осон гуруҳли видеочақирувларга айланиши мумкин – видеони ёқиш учун шунчаки камера белгисини босиш кифоя. Видеони бутун экранга ёйиш учун исталган видео устига босиш керак. Агар бирор видео қадалса, у янги фойдаланувчилар чақирувга қўшилганида ва камераларини ёққанида фокусланган ҳолатда қолади.Овозли чатни бошлаш учун администратор ҳисобланган исталган гуруҳ профилида ⋮ менюсини босиш керак (iOS қурилмасида гуруҳ профилида «овозли чат» тугмасини).
Фақат овоз иштирокчилари чекланмаган, видео ҳозирча овозли чатга қўшилган биринчи 30 кишига кўринади. Бу чеклов овозли чатлар стриминг ўйинлари, жонли тадбирлар ва бошқаларни қабул қилиши билан тез орада оширилади.
Экранни улашиш
Камерангизга қўшимча равишда экранини ёки ҳар иккаласини бир вақтда улашиш мумкин.
Экранни улашиш учун исталган иловада ⋮ ёки ⋯ белгисини босиш ва уни менюдан танлаш керак.
Шовқинсизлантириш параметрлари
Овозли чатларда ҳатто бирор қарсилдоқ таом тановул қилаётган фойдаланувчи учун ҳам барчанинг овози тиниқ ва равшан эшитилиши учун шовқинсизлантириш тизими яхшиланган. Шунингдек, зарур бўлганда созламаларда шовқинсизлантиришни фаолсизлантириш учун алмаштириш тугмаси ҳам қўшилган.
Планшет ва компьютер қўллаб-қувватланиши
Бундан ташқари, ноутбук, компьютер ёки планшетдаги катта экран учун интерфейсни ҳам горизонтал, ҳам вертикал ҳолатда қулайроқ қилишга ҳаракат қилинган. Иштирокчилар рўйхати ва видеони ажратилган экран ҳолатида кўриш учун ён панелни кенгайтириб кўриш мумкин.
Компьютерлардаги овозли чатлар алоҳида ойнада очилади, шу сабабли ҳеч нарсани кичрайтирмасдан ёзиш ва гапириш мумкин. Компьютер иловалари экран улашилишини танлаш функциясига эга, шу сабабли бутун экран ўрнига алоҳида дастурни улашса бўлади.
Компьютер иловасидан фойдаланилаётган экранини улашишни бошлаган исталган фойдаланувчи видеоси автоматик қадалади. Айниқса, бу кичик жамоалар ўз ишларини муҳокама қилиш учун йиғилганида қўл келади.
Эслатиб ўтамиз, Telegram’нинг бундан олдинги версиясида видеомуҳаррир, анимацияли стикерлар қўшиш, яхшиланган GIF панели каби функциялар тақдим этилганди.
Изоҳ (0)