Google компанияси ўз тарихида биринчи бор чакана савдо дўконини очди. Дўкон Нью-Йоркда жойлашган. Бу ҳақда корпорация матбуот хизматига таяниб, «Korrespondent.net» хабар берди.
Компаниянинг чакана савдо билан шуғулланувчи илк дўкони очилиши ҳақида бир ой олдин маълум бўлганди. Бунга қадар девайсларни фақат интернет-дўкон орқали харид қилиш мумкин эди.
Савдо нуқтасида компаниянинг турли гаджетлари ва бошқа маҳсулотларни харид қилиш мумкин.
Дўкон интерьери қизиқарли дизайнга эга бўлган — баландлиги 17 футга етадиган ойна билан қопланган айлана конструкция. Google уни Imagination Space деб атайди. Интерфаол экранган эга қурилмада Google маҳсулотларининг экспонатлари айланиб туради.
Мавзуга доир: Amazon бир йилдан ошиқ давом этган синовдан сўнг илк оффлайн-супермаркетни очди (видео)
Изоҳ (0)