Ҳиндистоннинг Reliance конгломерати Google билан ҳамкорликда яратилган JioPhone Next смартфонини тақдим этди. 24 июнь куни бўлиб ўтган матбуот анжумани давомида Reliance раиси Мукеш Амбанининг шахсан ўзи иштирок этган, деб хабар беради IXBT.
Янги смартфоннинг техник тавсифларига оид батафсил маълумотлар ҳозирча йўқ. Суратларда қурилма одинар камера ва орқа панелида дактилоскопик датчик билан жиҳозланганини кўриш мумкин. Мукеш Амбани JioPhone Next 10 сентябрдан сотувга чиқишини ҳамда у «Ҳиндистон ва бутун дунёдаги энг арзон телефонга айланишини» маълум қилганди. Умуман олганда, қурилма нархи ҳозирча эълон қилинмаган.
Alphabet бош директори Судар Пичаи эса ўз баёнотида смартфоннинг дастурий таъминоти тўғрисида тўхталиб ўтган. JioPhone Next смартфони Android Gо операцион тизими остида ишлайди ва унга Google Cаmerа Gо, Chrome ва Google Play дастурлари ўрнатилган бўлади. Сундар Пичаининг сўзларига кўра, унинг Маунтин-Вюдаги жамоаси «Android операцион тизимини мазкур қурилма учун махсус оптималлаштирган». Пресс-релизда таъкидланишича, у Android янгиланишларини қўллаб-қувватлайди ва «қўшимча функцияларга» эга бўлади. Шунингдек, суратда овозли ёрдамчи, таржимон ва қўшимча реалликка эга «ақлли» камера элементлари ҳақида ҳам сўз боради.
Бундан ташқари, бу турдаги смартфоннинг пайдо бўлиш сабаби ҳам келтириб ўтилган: гап шундаки, 300 миллион фойдаланувчи ҳамон 2G технологиясига боғланган ва мамлакатда эскирган алоқа тизимидан қутулиш учун уларга «ўта ҳамёнбоп» ечим таклиф этилиши керак.
Аввалроқ Nokia 105 ва Nokia 110 — энг арзон тугмали телефонлар тақдим этилгани тўғрисида хабар берилганди.
Изоҳ (0)