2020-yilning dekabrida Hyundai Motor Group va SoftBank moliyaviy konglomerati Boston Dynamics robotlarini ishlab chiqaruvchini sotib olish borasidagi bitimlarning asosiy shartlarini kelishib olgani to‘g‘risida xabar berilgandi. Meduza nashrining yozishicha, Janubiy Koreyaning Hyundai kompaniyasi vanihoyat robot ishlab chiqaruvchining egasiga aylangan.
O‘z navbatida Boston Dynamics bitim muvaffaqiyatli yakunlanganini nishonlash maqsadida yettita Spot robot-iti BTS key-pop guruhining “IONIQ: I’m On It” qo‘shig‘iga raqsga tushayotgani tasvirlangan klipni namoyish etdi.
“Mexanik itlar shu qadar egiluvchanki, bu hatto biroz qo‘rqinchli. Boshqa tarafdan esa videoni qayta va qayta ko‘ring keladi”, — deyiladi xabarda.
Ma’lumot uchun, robototexnikaga ixtisoslashgan Boston Dynamics kompaniyasiga Mark Raybert va Massachusets texnologiyalar institutining bir guruh muhandislari tomonidan 1992-yilda asos solingan. 2013-yil oxirida kompaniyani Google sotib olgan, 2017-yilda esa Yaponiyaning yirik investori — SoftBank. 2020-yilda Boston Dynamics sakkizta robotlar modelini taqdim etdi, xususan, antromorf Atlas robotini ham.
Avvalroq Boston Dynamics’ning robot-iti 74,5 ming dollardan sotuvga chiqqani, u Singapur bog‘ida odamlar orasidagi oraliq masofani tekshirishni boshlagani to‘g‘risida xabarlar berilgandi.