Татаристон президенти Рустам Минниханов бошчилигидаги Россия делегацияси 16 июнь куни Ўзбекистонга ташриф буюргани ва Президент Шавкат Мирзиёев қабулида бўлгани тўғрисида хабар берилганди. Туризм ва спорт вазирлиги матбуот хизматининг ёзишича, амалий ташриф доирасида 17 июнь куни Татаристон раҳбари Бухорода бўлган.
Маълум қилинишича, Рустам Миннихановга Ўзбекистон бош вазири ўринбосари — туризм ва спорт вазири Азиз Абдуҳакимов ҳамроҳлик қилган.
Эслатиб ўтамиз, Татаристон президенти Рустам Минниханов бошчилигидаги делегация 16—17 июнь кунлари Ўзбекистонга ташриф буюрди. Делегация таркибига Татаристоннинг 25 дан ортиқ турли хил компаниялари вакиллари, жумладан, «КамАЗ», «Татнефть», «ПО ЭлАЗ», «КМПО», «Қозон вертолёт заводи», «Соллерс Форд», «КЭР-Ҳолдинг» ва бошқалар кирган. Ташриф давомида Татаристоннинг саноат салоҳияти кўргазмаси, Татаристон—Ўзбекистон бизнес форуми, шунингдек, Ўзбекистонда яшайдиган татар диаспораси билан учрашувлар ўтказилди.
Изоҳ (0)