Франциянинг Нантер шаҳри прокуратураси Марокаш терма жамоаси ва Парижнинг “ПСЖ” клуби ҳимоячиси Ашраф Ҳакимига нисбатан 2023 йилда кўтарилган зўрлаш иши бўйича расмий айблов қўйилишини сўраб, судга мурожаат қилди. Бу ҳақда Le Parisien нашри хабар берди.
Манбага кўра, эндиликда иш тергов томонидан кўриб чиқилади ва айнан улар Ҳакимига қарши айблов хулосасининг асосли ёки асоссиз эканини аниқлайди. Агар айбловлар исботланса, марокашлик футболчига 15 йилгача озодликдан маҳрум этиш жазоси тайинланиши мумкин.
Ҳакими ушбу жиноят иши доирасида 2023 йилда айбланган эди. Унга кўра, 24 ёшли аёл Instagram тармоғи орқали футболчи билан танишганини айтиб берган. Орадан бир ой вақт ўтиб, у жинсий тажовузга учрагани юзасидан политисяга ариза ёзади. Аммо футболчи бу айбловларни қатъиян рад этган. Шундан бери бу ҳолат футбол оламида шов-шувларга сабаб бўлиб келмоқда.
Маълумот учун, футболчи ўтган мавсум “ПСЖ” сафида жами 55 ўйинда майдонга тушиб, 11 та гол ва 16 та голли узатма муаллифи бўлган. Марокашлик ҳимоячининг Париж клуби билан амалдаги шартномаси 2029 йилнинг ёзига қадар тузилган. Transfermarkt порталига кўра, Ашраф Ҳакимининг трансфер қиймати 80 миллион еврога тенг.
Изоҳ (0)