26 май куни соат 15:30 ларда Қашқадарё вилояти Қамаши туманида содир бўлган йўл-транспорт ҳодисаси оқибатида бир киши ҳалок бўлди. Бу ҳақда ИИВ ЙҲХББ ахборот хизмати хабар берди.
Маълум қилинишича, 4Р-86 Қамаши—Лангар—Майданак автомобиль йўлининг 12 километрида Cobalt ҳайдовчиси рул бошқарувини йўқотиб, йўлнинг четига чиқиб кетиши натижасида йўл-транспорт ҳодисасини содир этган.
Оқибатда Cobalt ҳайдовчиси олинган тан жароҳатлари оқибатида вафот этган. Машинада йўловчи сифатида кетаётган фуқаро эса турли тан жароҳатлари билан шифохонага ётқизилган.
Мазкур ЙТҲ юзасидан Қамаши тумани ИИБ Тергов бўлими томонидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисми билан жиноят иши қўзғатилиб, дастлабки тергов-суриштирув ҳаракатлари олиб борилмоқда.
Аввалроқ Наманганда ухлаб қолган Nexia ҳайдовчиси ЙТҲ оқибатида вафот этгани, Тошкентда икки автобус иштирокида содир бўлган ЙТҲ оқибатида бир пиёда ҳалок бўлгани, Самарқандда ҳайдовчининг ухлаб қолиши оқибатида «КамАЗ» юк машинаси Isuzu билан тўқнашиб кетгани тўғрисида хабар берилганди.
Изоҳ (0)