26-may kuni soat 15:30 larda Qashqadaryo viloyati Qamashi tumanida sodir bo‘lgan yo‘l-transport hodisasi oqibatida bir kishi halok bo‘ldi. Bu haqda IIV YHXBB axborot xizmati xabar berdi.
Ma’lum qilinishicha, 4R-86 Qamashi—Langar—Maydanak avtomobil yo‘lining 12 kilometrida Cobalt haydovchisi rul boshqaruvini yo‘qotib, yo‘lning chetiga chiqib ketishi natijasida yo‘l-transport hodisasini sodir etgan.
Oqibatda Cobalt haydovchisi olingan tan jarohatlari oqibatida vafot etgan. Mashinada yo‘lovchi sifatida ketayotgan fuqaro esa turli tan jarohatlari bilan shifoxonaga yotqizilgan.
Mazkur YTH yuzasidan Qamashi tumani IIB Tergov bo‘limi tomonidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 2-qismi bilan jinoyat ishi qo‘zg‘atilib, dastlabki tergov-surishtiruv harakatlari olib borilmoqda.
Avvalroq Namanganda uxlab qolgan Nexia haydovchisi YTH oqibatida vafot etgani, Toshkentda ikki avtobus ishtirokida sodir bo‘lgan YTH oqibatida bir piyoda halok bo‘lgani, Samarqandda haydovchining uxlab qolishi oqibatida “KamAZ” yuk mashinasi Isuzu bilan to‘qnashib ketgani to‘g‘risida xabar berilgandi.
Izoh (0)