Samarqand shahri hududidan o‘tuvchi M-37A avtomobil yo‘lining 35-kilometrida Isuzu yuk mashinasi ishtirokida yo‘l-transport hodisasi sodir bo‘ldi, deb xabar beradi viloyati IIB axborot xizmati.
Ma’lum qilinishicha, ko‘ngilsiz hodisa 29-may kuni soat 05:30 larda Toshkent—Navoiy yo‘nalishi bo‘ylab harakatlanib kelayotgan Isuzu rusumli yuk mashinasi bilan sodir bo‘lgan. Haydovchining uxlab qolishi oqibatida mashina Zarafshon daryosining qirg‘og‘iga ag‘darilib ketgan.
Ta’kidlanishicha, mazkur hodisa oqibatida hech kim tan jarohati olmagan.
Avvalroq Toshkentda mashina boshqarish huquqidan mahrum qilingan Spark haydovchisi piyodani urib yuborgani, Ohangaronda bir-biri bilan to‘qnashgan “KamAZ” va Lacetti to‘liq yonib ketgani, Navoiyda mast piyodani mashina urib ketishi oqibatida jabrlanuvchi shifoxonada vafot etgani to‘g‘risida xabar berilgandi.
Izoh (0)