Ijtimoiy tarmoqlarda Toshkent viloyatining Angren shahrida kamida oltita mashina ishtirokida sodir bo‘lgan yirik yo‘l-transport hodisasining videolari tarqaldi.
Kadr: Telegram
Ma’lum qilinishicha, ko‘ngilsiz hodisa 24-may kuni soat 09:00 lar atrofida sodir bo‘lgan. To‘qnashuv oqibatida Lacetti avtomobili yonib ketgan. Tarqalgan videoda yonib ketgan avtomobil ichida yo‘lovchi qolib ketgani aytilmoqda.
Shuningdek, yana bir videoda yuk mashinalari ikkita Lacetti’ning ustiga ag‘darilganini, pastlikka bitta yengil mashina qulaganini ham ko‘rish mumkin.
Avvalroq Qoraqalpog‘istonda Nexia, Cobalt va Damas ishtirokidagi YTHda 6 kishi halok bo‘lgani, Qashqadaryoda “Jiguli” va Nexia ishtirokida sodir bo‘lgan YTH oqibatida 7 kishi halok bo‘lgani, Farg‘onada 6 kishining o‘limi bilan yakunlangan YTH ikki Cobalt ishtirokida sodir bo‘lgani, qurbonlar orasida yetti oylik chaqaloq ham borligi to‘g‘risida xabar berilgandi.
