Криштиану Роналду «Манчестер Юнайтед»га қайтишни хоҳламоқда. Сульшер уни жамоада кўрмоқчи

«Ювентус» ҳужумчиси Криштиану Роналду «Манчестер Юнайтед»га қайтиши мумкин.

Манчестер клуби Роналду билан алоқага чиққан ва ўз қизиқиши ҳақида маълум қилган. 36 ёшли футболчи билан «Манчестер Юнайтед» устози Оле-Гуннар Сульшернинг шахсан ўзи суҳбатлашган ва Криштиануни жамоада кўришни исташини айтган, дея хабар қилмоқда АS.

Ҳужумчининг ўзи «Юнайтед»га қайтишга тайёр. Таъкидланишича, у ҳеч қачон Манчестерга қайтиш вариантини бу қадар жиддий ўйлаб кўрмаган.

Роналду Италия чемпионати тугаганидан кейин қарор қабул қилади. Агар «Ювентус» Чемпионлар Лигасига йўлланма ола билса, Роналду Туринда қолиши мумкин, акс ҳолда — кетади.

Роналду «Манчестер Юнайтед»да икки мавсум ўйнашни, шундан кейин «Спортинг»га йўл олиб, ўша ерда фаолиятини тугатиш режа қилмоқда.

Роналду 2003—2009 йиллар мобайнида «қизил иблислар» сафида тўп тепган. У инглиз клуби сафида 9 та совринга эга чиққан, улар ичида учта АПЛ ва битта Чемпионлар Лигаси бош соврини бор.

36 ёшли футболчи А Серия жорий мавсумида 33 ўйин ўтказиб, 29 гол ва учта голли узатма муаллифига айланди.