Саккизта вазн тоифасида собиқ Жаҳон чемпиони Мэнни Пакьяо (62-7-2, 39 КО) навбатдаги жангини ярим ўрта вазн тоифасида WBC ва IBF камарлари соҳиби Эррол Спенсга (27-0, 21 КО) қарши ўтказади.
Жанг 21 август куни (Тошкент вақти билан 22 август тонги) Лас-Вегасда (АҚШ) бўлиб ўтади. Бу маълумотни ҳар икки боксчи тасдиқлади.
43 ёшли Пакяо сўнгги бор 2019 йилнинг июнь ойида рингга кўтарилган. Унда филиппинлик боксчи Кит Турманни мағлуб этган ва WBA Super камарига эга чиққанди. Кейинчалик Пакяо узоқ муддат ҳимоя жангини ўтказмагани боис ушбу камардан маҳрум бўлганди. 31 ёшли Спенс эса 2020 йилнинг декабрида икки вазн тоифаси собиқ чемпиони Дэнни Гарсияни таслим этганди.
Аввалроқ Пакяо 2021 йилнинг сентябрида 22 ёшли енгилмас боксчи Райан Гарсияга қарши жанг қилиши мумкинлиги айтилганди. Шунингдек, Мэнни Пакьяо 2021 йилда иккита жанг ўтказишини эълон қилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)