“Yuventus” hujumchisi Krishtianu Ronaldu “Manchester Yunayted”ga qaytishi mumkin.
Manchester klubi Ronaldu bilan aloqaga chiqqan va o‘z qiziqishi haqida ma’lum qilgan. 36 yoshli futbolchi bilan “Manchester Yunayted” ustozi Ole-Gunnar Sulsherning shaxsan o‘zi suhbatlashgan va Krishtianuni jamoada ko‘rishni istashini aytgan, deya xabar qilmoqda AS.
Hujumchining o‘zi “Yunayted”ga qaytishga tayyor. Ta’kidlanishicha, u hech qachon Manchesterga qaytish variantini bu qadar jiddiy o‘ylab ko‘rmagan.
Ronaldu Italiya chempionati tugaganidan keyin qaror qabul qiladi. Agar “Yuventus” Chempionlar Ligasiga yo‘llanma ola bilsa, Ronaldu Turinda qolishi mumkin, aks holda — ketadi.
Ronaldu “Manchester Yunayted”da ikki mavsum o‘ynashni, shundan keyin “Sporting”ga yo‘l olib, o‘sha yerda faoliyatini tugatish reja qilmoqda.
Ronaldu 2003—2009-yillar mobaynida “qizil iblislar” safida to‘p tepgan. U ingliz klubi safida 9 ta sovringa ega chiqqan, ular ichida uchta APL va bitta Chempionlar Ligasi bosh sovrini bor.
36 yoshli futbolchi A Seriya joriy mavsumida 33 o‘yin o‘tkazib, 29 gol va uchta golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)