Саудия Арабистони футбол федерацияси (SAFF) футбол бўйича Жаҳон Чемпионатини ҳар икки йилда ўтказиш бўйича ФИФАга таклиф билан чиқди.
ФИФА SAFF’нинг таклифини инобатга олди. Ташкилот президенти Жанни Инфантино бу таклифни «долзарб ва пухта» деб атади. ФИФА бу таклифни амалиётга татбиқ қилиш имкониятларини кўриб чиқади.
Саудия Арабистонининг таклифини 166 та миллий федерация қўллаб-қувватлаган, 21 таси эса муносабат билдирмаган ва ўз позициясини маълум қилмаган.
Таъкидланишича, бу таклиф аёллар ўртасидаги Жаҳон Чемпионатига ҳам боғлиқ бўлади.
Ҳозирги вақтда мундиал ҳар тўрт йилда бир марта ўтказилади. ЖЧ—2022 мусобақасига Қатар мезбонлик қилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)