Бокс бўйича супер енгил вазн тоифаси мутлақ чемпионлиги учун IBF ва WBA камарлари соҳиби Жош Тэйлор (17-0, 13 КО) ҳамда WBC ва WBO йўналишлари чемпиони Хосе Карлос Рамирес (26-0, 17 КО) ўзаро жанг қилади.
АҚШнинг Лас-Вегас шаҳрида бўлиб ўтадиган мазкур жангнинг бошланиш вақти Тошкент вақти билан 23 май тонгига тўғри келади.
Жангчилар вазн ўлчаш маросимида талабни бажарган ҳолда бир хил натижа қайд этди — 63,3 килограмм.
Бокс оқшоми Ўзбекистон телеканалларида намойиш этилмайди. Жанг видеосини бу ерда томоша қилиш мумкин — видео.
Маълумот учун, ушбу вазн тоифасида ўзбекистонлик боксчилар Шаҳрам Ғиёсов (11-0, 9 КО) ва Шоҳжаҳон Эргашев (18-0, 16 КО) ҳаракат қилади.
WBA рейтингида Шаҳрам 3-ўринда қайд этилган бўлса, Шоҳжаҳон 8-поғонада бормоқда. IBF’да Эргашев 4-ўрин, Ғиёсов эса 13-бўлиб турибди. Шунингдек, Шоҳжаҳон WBO (8) йўналишида ҳам топ-10 ликдан жой олган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)