Ярим ўрта вазн тоифасида ҳаракат қилувчи UFC жангчиси Абубакар Нурмагомедов (16-3) навбатдаги жангини 2021 йилнинг 17 июлида ўтказади, дея хабар қилмоқда «Чемпионат».
Россиялик яккакурашчига Даниэль Родригес (14-2) рақиб бўлади. Жанг UFC Fight Night 191 мусобақасида бўлиб ўтади. Мазкур UFC оқшомида яна бир россиялик жангчи Ислом Махачев (19-1) ҳам октагонга кўтарилиши кутилмоқда.
Абубакар UFC’да шу кунгача иккита жанг ўтказди. 2019 йилдаги дебют жангида кутилмаганда Давид Завада ютқазиб қўйган спортчи, 2021 йилнинг март ойида ўтказилган жангда Жаред Гуденни мағлуб этишга муваффақ бўлди.
Родригес эса промоушенда 2020 йил дебют қилди ва шу кунга қадар бешта жанг ўтказишга улгурди. Ўтган жангида Родригес тажрибали Майк Перрини енгишга эришди. У UFC’даги ягона мағлубиятини Николас Далбидан қабул қилиб олган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)