«Реал» бош мураббийи Зинедин Зидан Ла Лига сўнгги тури олдидан мавсум борасидаги фикрлари билан ўртоқлашди.
2017 йилда биз чемпионатни сўнгги кунда ютгандик. Бу футбол ва Ла Лигани чиройли қиладиган жиҳат. Мавсум яхши бўлди, бироқ асосийси бор куч билан меҳнат қилиш эди ва биз буни уддаладик.«Реал» сўнгги тур олдидан пешқадам «Атлетико»дан икки очко ортда қолмоқда. Зидан шогирдлари 22 май куни «Вильярреал»га қарши баҳс олиб боради, «Атлетико» эса «Вальядолид» меҳмони бўлади. Ҳар икки ўйин 21:00 да бошланади.Кўрамиз, 10 дан 10 бўлармикин ёки 9,5. Биз боримизни бериб уч очко олишимизга ишонамиз. Шогирдларим ҳар доим юз фоиз кучини сарфлайди. Бошидан охиригача, жароҳатлар билан, коронавирус билан...
Айрим кичик ҳолатлар учун афсусдаман, чунки ўзимга нисбатан талабим кучли. Мен ғолибларданман. Ютқазишни ёмон кўраман, гарчи айрим вақтларда мени ҳеч нима безовта қилмаётган бўлса ҳам.
Ғалаба учун боримни бераман, бу «Реал»нинг қонида бор. Футболчилар ғалаба қозонишни хоҳламоқда ва қийинчиликларга қарамай, бор кучини сарфлашга тайёр.
Зинедин Зидан, «Реал» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)