Frensis Ngannu Stipe Miochichni 2-raundda dahshatli nokautga uchratib, UFC’ning og‘ir vazn toifasidagi chempioniga aylandi
Toshkent vaqti bilan 28-mart, yakshanba kuni Las-Vegasda (AQSh) UFC 260 musobaqasi bo‘lib o‘tdi.
Musobaqaning asosiy jangi og‘ir vazn toifasi chempioni Stipe Miochich hamda da’vogar Frensis Ngannu o‘rtasida kechdi.
1-raundda Ngannu ketma-ket zarbalari orqali Miochichni muvozanatdan chiqarishga harakat qildi. Ammo xorvatiyalik jangchi zarbalarga turib bera oldi. 2-raund ham Ngannuning ustunligida boshlandi va o‘ta kuchli berilgan ketma-ket zarbalardan so‘ng Miochich nokautga uchradi.
Shu tariqa Frensis Ngannu UFC promousheni og‘ir vazn toifasining yangi chempioniga aylandi. Fransiyalik jangchi promoushen og‘ir vazn toifasidagi 17-chempion sifatida tarixga kirdi.
Qayd etish joiz, Ngannu 2018-yil 20-yanvarida UFC 220 musobaqasi doirasida hakamlar qaroriga ko‘ra Miochichga mag‘lub bo‘lgandi.
UFC 260 natijalari bilan tanishing:
- Frensis Ngannu (16-3) 2-raundda Stipe Miochichni (20-4) nokautga uchratdi;
- Visente Luke (20-7-1) 1-raunddayoq Tayron Vudlini (19-7-1) taslim etdi;
- Shon O’Melli (13-1) 3-raundda Tomas Almeydani (22-5) nokautga uchratdi;
- Jeymi Mallarki (13-4) 1-raunddayoq Kama Vorsini (16-8) nokautga uchratdi;
- Alonso Menfild (10-2) 1-raunddayoq Fabio Cherantni (7-2) taslim qildi;
- Abubakar Nurmagomedov (16-3-1) hakamlar qaroriga ko‘ra Jared Guden (17-6) ustidan g‘alaba qozondi;
- Mixail Olekseychuk (15-4) hakamlar qaroriga ko‘ra Modestas Bukauskasni (11-4) mag‘lub etdi;
- Omar Morales (11-1) hakamlar qaroriga ko‘ra Sheyn Yangni (13-6) yutdi;
- Mark-Andre Bario (12-4) 3-raundda Abu Azaytarni (14-3-1) nokautga uchratdi.
