Yarim o‘rta vazn toifasida harakat qiluvchi UFC jangchisi Abubakar Nurmagomedov (16-3) navbatdagi jangini 2021-yilning 17-iyulida o‘tkazadi, deya xabar qilmoqda “Chempionat”.
Rossiyalik yakkakurashchiga Daniel Rodriges (14-2) raqib bo‘ladi. Jang UFC Fight Night 191 musobaqasida bo‘lib o‘tadi. Mazkur UFC oqshomida yana bir rossiyalik jangchi Islom Maxachev (19-1) ham oktagonga ko‘tarilishi kutilmoqda.
Abubakar UFC’da shu kungacha ikkita jang o‘tkazdi. 2019-yildagi debyut jangida kutilmaganda David Zavada yutqazib qo‘ygan sportchi, 2021-yilning mart oyida o‘tkazilgan jangda Jared Gudenni mag‘lub etishga muvaffaq bo‘ldi.
Rodriges esa promoushenda 2020-yil debyut qildi va shu kunga qadar beshta jang o‘tkazishga ulgurdi. O‘tgan jangida Rodriges tajribali Mayk Perrini yengishga erishdi. U UFC’dagi yagona mag‘lubiyatini Nikolas Dalbidan qabul qilib olgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)