Internetda Google Pixel 6 Pro’ning sifatli renderlari paydo bo‘ldi. O‘zgarishlar u qadar katta emas, biroq kameraga bog‘liq o‘zgarish mavjud. Shu bilan birga, bu safar manba qurilmaga oid batafsil texnik tavsiflarni keltirib o‘tgan, deb xabar beradi IXBT.
Yangi renderlar Pixel 6 Pro periskop modulli kameraga ega bo‘lishi mumkinligi haqida tarqalgan mish-mishlar asosida yaratilgan. Bu safar modul aniq vizuallashtirilgan — u qatordagi uchinchi. Shuningdek, smartfonga 50 megapikselli asosiy hamda keng burchakli obyektivga ega qo‘shimcha kamera o‘rnatilishi aytilmoqda.
Kameralar blokining orqa paneldan qanchalik bo‘rtib chiqishi nihoyat ma’lum bo‘ldi: smartfon qalinligi 8,9 millimetrni tashkil etadigan bo‘lsa, kameralar bloki hisobga olinganda uning eni 11,5 millimetrga yetadi. Ya’ni u 2,6 millimetr tashqariga chiqib turadi. Smartfonning bo‘yi va eni mos ravishda 163,9 hamda 75,8 millimetrni tashkil etadi.
Google Pixel 6 Pro’ga barmoq izi skaneriga ega 6,67 dyuymli AMOLED ekran o‘rnatiladi. Bundan tashqari, qurilma konfiguratsiyasida stereodinamiklar va simsiz quvvatlantirgich bor. Dastlabki ma’lumotlarga ko‘ra, Pixel 6 lineykasidagi smartfonlar, shuningdek, UWB hamda Google tomonidan yaratilgan bir kristalli tizimga ega bo‘ladi. Pixel 6 va Pixel 6 Pro premyerasi shu yilning kuziga mo‘ljallangan.
Senderlar muallifi OnLEaks niki ostida tanilgan Stiv Xemmerstoffes ismli ishonchli insayder hisoblanadi.
Izoh (0)