Huawei kompaniyasi 19-may kuni Smart Life konferensiyasini o‘tkazib, unda bir nechta mahsulotlari, jumladan, bolalar uchun mo‘ljallangan Huawei Children’s Watch 4X New Shinning Edition “aqlli” soatini taqdim etdi, deb xabar beradi IXBT.
Soatlar yorqin dizayn va to‘qilgan tasmaga ega bo‘lgan. Qurilmaning o‘ziga xosligi ikkita kameraga egaligida: 5 megapikselli frontal va yon tomonidan joylashgan 8 megapikselli asosiy.
Kameradan suratga olishda, sekinlashtirilgan videolarni yozishda, shuningdek, o‘z egasining yuzini tanishda foydalanish mumkin. Bundan tashqari, qurilma videoqo‘ng‘iroqlarni ham qo‘llab-quvvatlaydi, bu esa ota-onalarga o‘z farzandi qayerda ekanligini nazorat qilishga yordam beradi.
Soatlar namlikdan himoyalangan (5 ATM), uni taqqan holda suzish vaqtida suratga olish yoki videorolik yozish mumkin. Huawei Children’s Watch 4X New Shinning Edition’ga o‘rnatilgan akkumulyator sig‘imi 800 mA/soatni tashkil etadi, tezkor quvvatlanish funksiyasiga ega (20 daqiqada 50 foiz).
Qurilma kontaktsiz to‘lovlar uchun NFC moduli hamda Xiaodu 3.0 ovozli yordamchisiga ega. Xitoyda soatlar China Mobile, China Unicom va China Telecom mobil tarmoqlarni qo‘llab-quvvatlaydi.
“Aqlli” Huawei Children’s Watch 4X New Shinning Edition 1-iyundan 215 dollar qiymatida sotuvga chiqadi.
Izoh (0)