Фавқулодда вазиятлар вазирлиги Андижон шаҳридаги йўл бўйида келиб чиққан ёнғин бўйича маълумот берди.
18 май куни ижтимоий тармоқларда йўл четида қуриган ўтлар ёнаётганлиги акс этган видео тарқалди. Маълум қилинишича, ҳодиса Андижон вилояти Андижон шаҳри Университет кўчасида содир бўлган. Ёнғин соат 10:58 да бошланган. Дастлабки маълумотга кўра, қуриган ўтлар йўлнинг четига ташланган сигарета қолдиғи туфайли ёниб кетган.
Андижон вилояти ФВБнинг иккита ёнғин-қутқарув гуруҳи 3 дақиқа ичида ёнғин содир бўлган жойга етиб борган ва қисқа муддатда уни ўчирган.
Ҳодиса оқибатида жароҳатланган ва ҳалок бўлганлар йўқ.
Аввалроқ Тошкентдаги Ботаника боғи ҳудудида ёнғин келиб чиққани тўғрисида хабар берилганди.
Изоҳ (0)