Қашқадарёлик блогер Азизбек Яздурдиев танқидидан сўнг, Миришкор туманидаги туркман шоири Махтумқули бюсти қайта таъмирланди. Бу ҳақда «Дарё»га туман ҳокимлиги ахборот хизмати маълум қилди.
Таъкидланишича, туркман шоири бюстининг очилиш маросими 19 май куни бўлиб ўтган.
«Махтумқули барча туркий халқлар қатори ўзбек халқининг ҳам севимли шоирига айланиб қолган. Унинг маънавий-ахлоқий мавзудаги теран панд-насиҳатга йўғрилган маънодор шеърлари кириб бормаган ўзбек хонадони йўқ. Махтумқули номини билмайдиган бирорта ўзбек топилмайди десак, муболаға бўлмас. Махтумқули шеърлари ўзининг халқчил руҳи туфайли асрлар давомида эл бахшилари, халфалари ва ҳофизлари томонидан куйланиб, шоирларга илҳом бериб, адабий давралар ва шеърият кечалари, гап-гаштакларда ўқилиб келган», — деган тадбирда сўз олган туман ҳокими Шерали Санаев.
Айтилишича, тадбирда сўз олган вилоят Туркман миллий маданият маркази раҳбари Умризоқ Қувватовлар туман ҳокими бошчилигидаги масъулларга ташаккур изҳор қилган.
Ҳокимлик ахборот хизматининг эслатишича, аввалроқ блогер Азизбек Яздурдиев туманнинг Помуқ шаҳарчасида жойлашган бюст масъуллар эътиборидан четда қолганини ёзиб, масалага жамоатчилик эътиборини қаратган.
Изоҳ (0)