Қуёш ҳар қачонгидан ҳам кўпроқ нур сочгани, ҳарорат иссиқ бўлгани ҳисобига ёзги кийимларнинг нафақат чиройига, балки қулайлигига ҳам эътибор қаратиш керак.
Футболка
Базавий футболка бўлмаган ҳеч бир гардеробни тўлиқ деб ҳисоблаб бўлмайди. Пахта матосидан тикилган, оқ футболкани исталган кийим билан мосласа бўлади.
Жинси шорти
Бел қисми юқори бўлган жинси матосидан тикилган шортини топ билан ҳам, кофта ёки блузка билан ҳам кийса бўлади. Бундай образ нафақат дам олиш, балки кундалик кийиш учун ҳам яхши вариант.
Топ
Тўқилган, нақшли топларни мазкур мавсумнинг хити деб атаса ҳам, хато бўлмайди. Уни пиджак ва кофта, шунингдек, юбка, жинси ҳамда шорти билан ҳам кийиш мумкин.
Сарафан
Замонавий образ яратиш учун пушти сарафан кийишнинг ўзи кифоя. Бел қисмига урғу берилган сарафан модели билан шляпа кийиш, пойабзал борасида эса боғичлари бор босоножкаларга эътибор қаратиш тавсия қилинади.
Миди узунлигидаги юбка
Тиззадан пастга тушиб турадиган бундай юбка вариантлари исталган кийим билан уйғунлаштириш мумкинлиги ва образни қизиқарли кўрсатиши билан ўзига хос.
Панама
Панамаларни нафақат баҳор ва ёзда, балки совуқ қишда ҳам кийиш мумкин. Қаҳратонда қалин матодан тикилган моделлар бошни иссиқ туца, ёзги вариантлар иссиқ ҳароратда қуёш нурларидан ҳимоя қилади.
Кундалик кийиш учун мўлжалланган кўйлак
Кофта-кўйлак кундалик образ учун айни муддао. Ҳаво ўтказадиган матодан тикилган, оч рангдаги вариантларга эътибор қаратган яхши.
Кенг бичимли кофта
Кенг бичимли оқ кофтани нафақат классик, балки спорт услубидаги кийимлар билан ҳам кийса бўлади. Шорти ёки шим билан доимий кийиш ёки ичидан топ кийиб, устки кийим сифатида ҳам фойдаланиш мумкин.
Кенг бичимли шим
Кенг шимлар баҳор ва ёз мавсумида ҳар қачонгидан ҳам долзарброқ. Иссиқ кунда лён ёки бошқа ҳаво ўтказадиган матодан тикилган моделларга эътибор қаратинг.
Ромпер
Жазирамада нима кийишни билмай, боши қотадиганлар учун ромпер энг яхши ечим бўла олади. Уни кроссовка ва босоножка билан мослаш, ёмғир ёғганда устидан жинси пиджак кийиш мумкин.
Изоҳ (0)