Bahor-yozgi obraz o‘ziga xos ko‘rinishi uchun sumkani mavjud tendensiyalardan kelib chiqqan holda tanlash kerak bo‘ladi.

Kosmetik vositalarni solishga mo‘ljallangan sumka

Foto: “Domashniy ochag”

Brendlar kosmetik vositalar solishga mo‘ljallangan sumkalarning kundalik tutishga mos variantlarini ishlab chiqarishga qaror qildi. 2021-yildagi eng yetakchilardan hisoblangan bunday modellarni yelkaga taqish yoki qo‘lda tutish mumkin. Christian Dior’ning qo‘zichoq terisidan ishlangan Dior Travel varianti va Chanel

tomonidan taqdim qilingan, qo‘g‘irchoqlarning sumkasini esga soladigan aksessuarlar ilhomlanish uchun ayni muddao. Boshqa brendlar kundalik tutish uchun modellar ishlab chiqish bilan band bo‘lgan bir paytda

Roger Viver oqshom obrazlari uchun zamsh matosidan tikilgan uch xil: yorqin yashil, olcha rang va qora variantlarni taqdim qildi.

Ichki qismi ko‘rinib turadigan sumkalar

Foto: “Domashniy ochag”

Hech nimani yashirib bo‘lmasligi bilan o‘ziga xos bo‘lgan Fendi tomonidan taqdim qilingan rezinkali sumka modeliga o‘xshash variantlarning Mango va Zara kolleksiyalarida ham ko‘rish mumkin. Pomada, kalit yoki boshqa mayda buyumlarni yo‘qotib qo‘ymaslik uchun bunday sumkalar ichiga maxsus shaffof paket solish tavsiya qilinadi.

Yumshoq sumka modellari

Foto: “Domashniy ochag”

2021-yilning bahorida zamsh, yumshoq charmdan ishlangan qulay sumkalar yetakchilik qilmoqda. Xohishingizga qarab Chanel’dagidek yoki Bottega taqdim qilganidek katta o‘lchamli modellarga e’tibor qaratishingiz mumkin. Bunday sumka nafaqat kundalik, balki oqshom obrazlariga ham o‘ziga xos kayfiyat baxsh etadi.

Dumaloq modellar

Foto: “Domashniy ochag”

70-yillarga xos dumaloq sumka modellari bugungi kunda har qachongidan ham dolzarbroq. Yelkaga taqishga mo‘ljallangan kalta kamarli, qo‘shimcha detalga ega yorqin rangdagisi bo‘lsa yana yaxshi.Yulduzlar garderobidan allaqachon joy olgan mazkur aksessuarni Bella Hadid mayka va jogger bilan, Selena Gomes esa oqshom libosi bilan kiygan.

Katta o‘lchamli sumkalar

Foto: “Domashniy ochag”

Krossovka, tufli va kosmetik vositalarini o‘zi bilan olib yuradigan ayol va qizlar uchun hajmi katta bo‘lgan sumka eng yaxshi tanlov hisoblanadi. Coach brendi taqdim qilgan mana sumka modelining reklamasida Gollivud yulduzi Jennifer Lopesni ko‘rish mumkin. Bahorgi obraz uchun istalgan mato va rangdagi sumkani tanlashingiz urg‘uni esa kattaligiga berishingiz kerak.

To‘qilgan sumka modellari

Foto: “Domashniy ochag”

To‘qilgan sumkalarni endi nafaqat sohil, balki megapolislarda ham tutsa bo‘ladi. Trenchga moslash uchun bunday sumka chetiga ro‘mol bog‘lashni, jinsi bilan uyg‘un bo‘lishi uchun esa sumkaning ushlaydigan qismidagidek rangdagi kamarni tanlash kerak.

Mini modellar

Foto: “Domashniy ochag”

Jacquemus ilgari surgan trend bugungi kunda garderobning ajralmas qismi hisoblanadi. Tanlov qilganda ichiga kalit va telefon sig‘ishi mumkin bo‘lgan modellarni tanlaganingiz yaxshi.