Қомат тузилишидан келиб чиқиб либос танлаш бўйича тавсиялар (фото)

Сарвқомат кўриниш ва образнинг муваффақиятли чиқиши учун кийим ҳамда аксессуарларни қомат тузилишидан келиб чиқиб танлаш керак.

Қоматининг пастки қисми кенг аёллар учун

Юқори қисми ингичка, белдан пастки қисми кенг бўлган аёлларга ёпишиб турадиган кўйлак ва кенг шим киймаслик тавсия қилинади. Уларнинг кичкина ўлчамдагиси қоматни хунук кўрсатади, катта ўлчамдагиси эса қоп кийиб олгандек тасаввур беради. Яхшиси қоматни акс эттирадиган топ билан тиззадан тушиб турадиган юбка кийинг. Marks & Spencer тақдим қилган коллекциядаги тўғри бичимли шим ҳам бундай қомат вакилларига ярашиши аниқ.

Қоматининг юқори қисми кенг бўлган аёллар учун

Қомати тескари учбурчак, яъни елка қисми кенг, бели ингичка қомат вакиллари эса олд қисми очиқ, тор ва ёқалари кенг кофта киймагани яхши. Бунинг ўрнига олд қисми V шаклини эсга соладиган топ ва бел қисми юқори турадиган кенг шим ва юбкаларга эътибор қаратинг. Қолаверса, Marks & Spencer коллекциясидагидек кўйлак ва кенг юбкалардан илҳомланишингиз мумкин.

Елка ва бўксаси кенг, бели ингичка аёллар учун

Қомати қум соати шаклини эсга соладиган бундай аёллар белининг ингичкалиги ҳисобига исталган кийимни танлаши мумкин. Шунга қарамай, мутахассислар тор ва геометрик принтлар туширилган либослар киймасликни тавсия қилади. Бунинг ўрнига ўсимлик ва гуллар принти туширилган либосларнинг сиёҳранг ҳамда қизил рангли вариантларига эътибор қаратинг.

Қомати тўртбурчак шаклдаги аёллар

Бўкса ва елкалари кенг бўлган қизларга мутахассислар бел қисмига урғу бермасликни тавсия қилмайди. Айнан шу сабаб ҳам бел қисмида белбоғ ва резинкаси бор кийманг. Ундан кўра Marks & Spencer Horizon коллекциясидагидек тўғри бичимли жинси ва кенг жемферга эътибор қаратинг.

Қорни бор, аммо оёқлари ингичка бўлган аёллар

Қорин ва бел қисми тўла, аммо оёқлари ингичка бўлган қизларни кенг бичимли кўйлак ва бел қисми юқори шимлар янада тўла кўрсатади. Енгил жакет, «запах» бичимли блузка ва ёрқин рангли кенг плашлар эса омадли образ яратишга ҳисса қўшади.