Исталган майда деталь образнинг тамоман ўзгаришига ҳисса қўшиши мумкин, бунинг учун эса танлов борасида эътиборли бўлиш ва трендларни ҳам инобатга олиш керак.
Катта ва йирик занжир тақинг
Мавсумнинг энг асосий хити ҳисобланган йирик занжир билан ҳатто оддий либос кийиб ҳам трендда бўлиш мумкин. Масалан, оқ футболка ва пахта матосидан тикилган сарафан кийинг ва образни мазкур тақинчоқ тақиш билан якунланг.
Сумкага рўмол бойланг
Рўмолни нафақат бош ва бўйинга, балки сумкага ҳам ўраш мумкин. Бу орқали образга ёрқинлик ва ўзига хослик бахш этиш мумкин.
Оёққа билагузук
Оёқларни узун, образни ноодатий кўрсатиш учун унга билагузук тақиш кифоя. Бу сизнинг кийиниш борасида дидингиз ҳамманикидан бошқачароқ эканига ишора қилади.
Ободок
Ободок иссиқ кунларда сочни йиғиш билан бирга, образингизни ҳам қизиқарли кўрсатади. Мазкур соч аксессуарини исталган кийим — жинси, костюм ва пиджаклар билан мосласа бўлади.
Белбоғли занжир
Классик чармдан тикилган камар ўрнига занжирдан фойдаланинг. Исталган ёзги кийим билан мос тушиши мумкин бўлган ушбу аксессуарнинг ингичка ёки қалинидан ҳам фойдаланса бўлади. Танлов ўзингизга боғлиқ.
Заколка
Сочларни тартибга келтиришдан ташқари, заколкалар исталган образга урғу бериш хусусиятига ҳам эга. Ёз мавсумида ранг-баранг, гулли вариантларга эътибор қаратиш, иккита-учтасини баравар тақиш тавсия қилинади.
Кўзойнак учун занжирлар
Қуёшдан ҳимоя қиладиган кўзойнаклар янада замонавий кўриниши учун унга занжир тақиш тавсия қилинади. Ушбу аксессуардан фойдаланганда бўйинга маржон тақишга ҳожат қолмайди. Образда ўзгариш бўлиш учун эса кўзойнакни янгилашга ҳожат йўқ, ҳар сафар бошқача кўриниш учун занжирни алмаштириш кифоя.
Мавзуга доир:
- Фото: Ҳар бир аёлнинг гардеробида бўлиши керак бўлган оқ кофта моделлари
- Услуб қотиллари! Образнинг мукаммал бўлишига халақит берувчи 10 та камчилик
- Баҳор учун кўйлак танлаймиз: кўпчиликка маъқул келувчи 10 модель (фото)
- Кийиниш услубининг ўзгармаслиги, аксессуар тақмаслик, ранглар мутаносиблиги : зерикарли ташқи кўринишдан қутулинг
Изоҳ (0)