Образнинг қиммат кўриниши учун 20 тавсия (фото)

Образ муваффақиятли чиқиши ва қиммат кўриниши учун ортиқча пул сарфлашга ҳожат йўқ.

Ўз ўлчамига мос либос кийиш

Қоматга мос танланган либос образнинг муваффақиятли чиқишига ҳисса қўшади. Кийимларнинг тор туриши арзон кўрсатиш билан бирга камчиликларни кўзга ташланишига сабаб бўлади.

Принт

Катак-катак, хол-хол сингари принтли кийимлар классик услубда, оқ-қора рангда бўлгани яхши.

Сифатли мато

Яхши сифатли матодан тикилган либос билан образ ўзига хос кўринади. Ғижим ва арзон матоли кийимлар эса аксинча.

Ранг борасида эътиборли бўлинг

Кийим-кечакнинг оқ рангдагисини танланг. Бошдан оёқ оқ кийиниш сизни башанг ва дидли кўрсатади.

Оч рангли кийим-кечак

Оч рангли либосларни бир-бирига мослаш сизни бошқалардан ажралиб туришингизга сабаб бўлади.

Қора ранг

Қора либослар сизни янада гўзал кўрсатиши аниқ. Фақат бунинг учун сифатли мато ва сипо бичимдагисини танлаш керак. Юпқа, бўшашган матодан тикилган мазкур рангдаги кийимлар эса дидсиз кўринишингизга сабаб бўлади.

Пойабзал ва аксессуар

Тўқ рангли бачкана бўлмаган аксессуарлар билан ҳамма вақт қиммат кўринишга эга бўлиш мумкин. Қаймоқ ранг ва қора учли туфлилар қандай пойабзал танлашни билмаганлар учун айни муддао.

Кенг бичимли кофталар

Кенг бичимли кофталар тор вариантлардан кўра анча чиройли туради.

Ортиқча безаксиз кийимлар

Бичими оддий, сифатли матодан тикилган либослар сизни кийиниш борасида дидингиз юқори эканидан дарак беради.

Ялтироқ бўлмаган либослар

Кундалик кийиладиган шим, юбка, кўйлаклар ортиқча эътибор тортмайдиган, ялтирамаган матодан тикилгани яхши.

Классик, мураккаб ва романтик услубда кийиниш

Айнан мазкур услубда кийинган аёл ва қизларнинг образи эсда қоларли бўлади. Аммо борадиган жойга қараб кийиниш, шундан келиб чиқиб танлов қилиш керак.

Ипак матосидан тикилган кофта

Ипак матодан тикилган блузкалар билан жозибали ва ўзига хос кўринишга эга бўласиз.

Оқ ва кул ранг костюм

Гардеробдаги мазкур кийим ҳеч қачон урфдан қолмайди ва ҳамиша ҳашаматли кўринишга сабаб бўлади.

«Запах»ли пальто

MaxMara томондан тақдим қилинган қаймоқ рангли «запах»ли пальто мода ихлосмандлари ва блогерлар учун аллақачон севимлига айланган.

Тренч

Тренч исталган либос билан мослаш мумкин бўлган ва ҳаммага ярашадиган энг универсал кийимлардан бири.

Кенг бичимли шимлар

Бундай бичимли шимлар нафақат чиройли кўрсатади, балки қулайлиги билан ҳам барча учун севимлига айланади. Уни исталган кийим — топ, свитер ва исталган бичимли бошқа кофта билан мосласа бўлади. Уни кийгандан кейин бел қисмига урғу беришни унутмаслик керак.

Жинси

Оч ёки қора рангли жинси шим қоматни чиройли кўрсатади, уни классик бичимли костюмлардан тортиб, спорт услубидаги устки кийимлар билан ҳам мосласа бўлади.

Сумка

Қаттиқ сумкалар, шакли ноаниқ ва юмшоқ вариантлардан кўра минг марта яхши кўринади. Қолаверса сумка танлаганда ҳамма образга мос бўлиши учун ортиқча безакларсиз моделларни танланг.

Ўзига хос аксессуар ва тақинчоқлар

Минимал услубдаги геометрик шаклли аксессуарлар башанг кўринишингизнинг гарови. Кичкина думалоқ зирак, ингичка камарли соат ва бошқа деталлар оддий образни ҳам қизиқарли кўрсатади.

Соч турмаги

Аксарият қизларга узун соч турмаги ярашади, аммо бундай соч ҳаммага ҳам ярашавермайди, қолаверса эплашни ўзи бўлмайди. Шу сабаб ҳам ярашадиган калталикда кестириб юриш, соч ранги максимал даражада табиий бўлишига эътибор қаратиш керак.

Маникюр

Френч, тери рангидаги ва тўқ қизил рангли маникюр энг универсал вариант.

Тартибли кўриниш

Ялтираган сочлар, чиройли тиш ва тоза тери образнинг муваффақиятли чиқиши ва исталган кийимнинг ярашиб туришига сабаб бўлади.