Мода дунёси хатоларга нисбатан шафқатсиздир: нотўғри танланган битта деталь ҳам энг чиройли образни бузиши мумкин. Барча ҳаракатларингизни чипакка чиқарадиган энг нозик аксессуар — бу сумкадир.
Қора ва жигарранг сумкалар
Албатта, асосий рангда бўлган ҳамда юқори сифатли теридан тикилган классик сумка шкафингизда ортиқчалик қилмайди. Бироқ бу мавсумда қора ва жигаррангни унутиш керак. Жасоратли бўлинг ва ёрқин ранглардаги сумка сотиб олинг: пушти, кўк, оч яшил, яшил, тўқ сариқ рангларидан.
Пойабзал рангидаги сумкалар
Оёқ ва қўллардаги лак, шунингдек пойабзал рангига мослаб сумка тақадиган кунлар аллақачон ўтди. Ҳозирда дизайнерлар тўлиқ эркинлик тарафдори, шунинг учун мос келмайдиган рангдаги аксессуарларни ҳам бемалол уйғунлаштиришингиз мумкин.
Пластик сумкалар
Шаффоф пластик сумкалар атрофидаги шов-шув эсингиздами? Энди сумкангиз ичида нима борлигини бутун дунёга кўрсатиш шарт эмас. Ҳозирда Balenciaga мода уйи томонидан яратилган Arena Tote сумкаси жуда машҳур бўлиб кетди. Бу сумка ёрдамида энг экстравагант башанг аёл унвонига эга бўласиз.
Сохта сумкалар
Дизайнерлар модани бор кучлари билан тарғиб қилишади, шунинг учун бутун дунёга машҳур брендларга бўлган муҳаббатингизни изҳор қилишингиз мумкин. Бунинг учун эса нарсалар асл бўлиши керак. Ялтироқ логотипли сохта сумкалар ёмон дидга ишора қилади. Хитойда ишлаб чиқарилган қалбаки сумкалардан кўра сифатли материалдан тайёрланган номсиз сумка сотиб олган яхшироқдир.
Катта ҳажмли сумкалар
Умуман олганда, косметика, ёга гиламчаси ва севимли китобингизни сиғдирадиган сумкангиз бўлиши жуда қулай. Аммо дизайнерлар ушбу мавсумда микросумкаларни тавсия қилмоқда. Жуда кичик ҳажмга эга бўлган бундай сумкаларга фақат телефонингизни, лаб бўёғингизни ва кредит картангизни солишингиз мумкин. Агар моданинг энг юқори чўққисида бўлишни истасангиз, мева, консерва банкаси ёки таблетка қутиси шаклидаги сумкани танланг.
Мавзуга доир:
Изоҳ (0)