Kiyim javoningizda bo‘lishi kerak bo‘lgan, urfdan qolmaydigan 12 ta narsa haqida ma’lumot beramiz.

Trenchkot

Foto: Cosmopolitan

Qaymoqrang trenchkot har qanday ko‘rinishga mos keladi. Agar siz hali  bunday libos olmagan bo‘lsangiz, qimmatbaho trenchkotga pul sarflashning hojati yo‘q — sifatli modellarni o‘rtacha narxlardagi brendlarda va hatto ikkinchi qo‘l do‘konlardan ham topish mumkin.

Erkaklarnikiga o‘xshash oq ko‘ylak

Foto: Cosmopolitan

Bunday ko‘ylak nozik jins vakillarini qat’iyatli qilib ko‘rsatadi. U nafaqat jinsi shim bilan, balki shifon ko‘ylak bilan ham ajoyib kombinatsiya hosil qiladi.

Naqsh va yozuvlarsiz oq futbolka

Foto: Cosmopolitan

Oq futbolkani jinsi shim va oq krossovka bilan moslashtirib, kundalik obraz yaratish mumkin. Bunday obraz soddaligi bilan ajralib turadi, ammo eng ko‘p foydalaniladigan zamonaviy kombinatsiyalardan biridir.

Jinsi shim

Foto: Cosmopolitan

Har bir ayol jinsi shimning qaysi modeli unga mos kelishini bilishi va garderobida kamida bir juft jinsi shimi bo‘lishi kerak. Yodingizda bo‘lsinki, klassik tekis jinsi shimlar har qanday qomatga mos keladi.

Qulay poshnali tufli

Foto: Cosmopolitan

15 santimetrlik poshnali tuflida yurishni xohlasak ham, bu uzoq vaqt kiyishga yaramaydi. Ammo balandligi o‘rtacha bo‘lgan qulay tuflilarni har kuni kiyish mumkin. Ular qora yoki qaymoqrang bo‘lishi shart emas, eng muhimi qulay va o‘zingizga yoqsa bo‘lgani.

Krossovka

Foto: Cosmopolitan

Sport poyabzali toifasiga kiruvchi krossovkalar allaqachon kundalik poyabzalga aylangan. Kostyum-shim va kechki liboslar bilan krossovka kiyish urfga kirganiga ancha bo‘lgan.

Tor bichimdagi shim

Foto: Cosmopolitan

Bunday shimlarni futbolka, bluzka, tolstovka, kurtka, krossovka va poshnali bosonojkalar bilan ham bemalol kiyish mumkin. Umuman olganda, tor bichimdagi shimlar universal kiyim hisoblanadi.

Sumka

Foto: Cosmopolitan

Sumkalar yorqin rangli yoki qora, katta hajmli yoki kichik, monoxrom yoki turli ranglardan iborat bo‘lishi mumkin. Eng muhim xususiyati shundaki, sumka e’tiborni o‘ziga jalb qiladi va eng oddiy obrazda ham aksentga aylanishi mumkin.

To‘g‘ri bichimli jaket

Foto: Cosmopolitan

Bu libos haqida ko‘p marta yozilgan, ammo moda asoslarini takrorlash hech qachon ortiqchalik qilmaydi. Bunday bejirim jaket kundalik kiyimning bir qismini tashkil qiladi.

Qora vodolazka

Foto: Cosmopolitan

Bu kiyim nafaqat 60-yillarda urfga kirgan, balki hozir ham mini yubka bilan ajoyib kombinatsiya yarata oladi. Muhimi, u yuqori sifatli, ideal holda esa kashmirdan bo‘lishi kerak.

Ixcham uslubdagi ko‘ylak

Foto: Cosmopolitan

Kundalik uslubingizga ayollik nafosatini qo‘shish uchun istak paydo bo‘lganda kiyiladigan libos. Bunday ko‘ylak sodda, bezaklarsiz va yon tomonlarida ochiq qirqimlarsiz bo‘lishi lozim.

Telnyashka

Foto: Cosmopolitan

Sizda bunday kiyimdan bir nechta nusxa bo‘lsa kerak. Uni nima kiyishni bilmay, bosh qotgan vaqtda yubka, shim, sarafan bilan moslashtirish mumkin.