Дунё бўйлаб 12 май куни камера объективига олинган суратларни намойиш қиламиз.
Исроил ҳаво ҳужумидан сўнг вайрон бўлган уйини ташлаб кетаётган фаластинлик аёл ва унинг ўғли. Фото: Reuters
Хитой шарқидаги Цзянсу провинциясида саралаш марказининг ишчилари махсус қутиларга атиргул баргларини соляпти. Фото: Legion Media
Тошкентдаги кўп қаватли уйлардан бирининг йўлагида Рамазон ҳайити муносабати билан осилган безаклар. Фото: «Дарё» / Муҳаммадамин Тошкандий
Буюк Британиянинг Солсбери шаҳрида лочин полапонини шаҳар собори минорасидаги уясига қайтаришдан олдин унинг тирноғи узунлиги ўлчаниб, махсус ҳалқа тақилмоқда. Фото: PA
Идлибдаги қочқинлар лагеридаги бола ойнада сочлари қандай турмакланганини кўряпти. Фото: Getty Images
Дакка шаҳрида қайиғида намоз ўқиётган бангладешлик. Фото: Getty Images
Қозон шаҳридаги мактабда юз берган отишма оқибатида вафот этганларнинг хотираси учун гул қўяётган қизча. Фото: EPA
Исландия пойтахти Рейкьявик яқинидаги вулқондан отилаётган лава. Фото: «ТАСС»
Жакарта шаҳридаги Ал-Мусяриъин масжидидаги мусулмонлар телескоп ёрдамида ойнинг ҳолатига қараб, Рамазон тугаганини маълум қилмоқда. Фото: Reuters
Буюк Британиянинг Блэкпул шаҳридаги Blackpool Tower Ballroom залини тиклаш ишлари олдидан уни кўздан кечираётган лойиҳа менежери Кит Лангтон. Фото: PA
Ғазо шаҳрига қилинган ҳаво ҳужумлари оқибатида вайроналар ёнида ётган манекенларнинг бош қисми. Фото: Getty Images
Лиссабоннинг «Спортинг» жамоаси 19 йил ичида биринчи марта Португалия чемпиони бўлди. Суратда шаҳарнинг асосий майдонига йиғилган жамоанинг минглаб мухлислари. Фото: EPA
Рим Папаси Франциск коронавирус чекловлари юмшатилгандан сўнг одамлар билан учрашяпти. Фото: EPA
Бангладешда Рамазон ҳайитини нишонлаш учун ўз шаҳарларига жўнаб кетаётган мигрантлар паромга қараб югуряпти. Фото: Rex
Ғазо секторидан учирилган ракеталарни Исроилнинг «Темир гумбаз» номли ракетага қарши тизими уриб туширмоқда. Фото: Reuters
Колумбиянинг Кали шаҳрида ҳукуматга қарши намойишчилар ўзига хос автобусда кетмоқда. Фото: Getty Images
Ҳиндистоннинг Уттар-Прадеш штатидаги давлат касалхонасида COVID-19 билан касалланган 3 бемор бир койкада даволанмоқда. Фото: Reuters
Пекин шаҳридаги бино ойналарини тозалаётган ишчилар. Фото: Getty Images
Аҳмадободда ҳиндистонликлар коронавирусга қарши иммунитет ҳосил қилади деб ишониб, баданларига сигир гўнгини суртиб, ибодат қилмоқда. Фото: Reuters
Фаластинлик бола Ғазо шаҳрида Исроилнинг ҳаво ҳужумларида вайрон бўлган бино қолдиқлари ёнидан ўтмоқда. Фото: Reuters
Лондондаги Christie’s ким ошди савдосига қўйилган коллексионер Марион Ламбертнинг Fiat 600 автомобили. Унинг тахминий қиймати 28 000—36 000 фунт стерлингни ташкил этади. Фото: Shutterstock
Аввалги кунларнинг фотогалереялари:
Тошкентда тайёрланган дунёдаги энг катта Қуръон саҳифаси, Исроилга «аталган» ракеталар, 3 ёшли сўфий. 11 май суратлари Ал-Ақсодан қувилаётган фаластинликлар, Каъбадаги тунги ибодат, Ўзбекистонда кузатилган ноёб табиат ҳодисаси. 10 май суратлари Рамазоннинг охирги жумаси, «учаётган» аскар, скутердаги Special One. 7 май суратлари Ислом институтидаги уйғурлар, осилган намойишчи, коронавирус қурбонлари хоки солинган хумчалар. 6 май суратлари Урушдан «қайтган» ўзбек аскари, императорнинг ўлим ниқоби, уйсиз қолган қирғиз. 5 май суратлари Эри учун кислород сўраб йиғлаётган аёл, бокс тушаётган шаҳар ҳокими, саҳоба Алига бағишланган кун. 4 май суратлари Якунланган хатмона, ўзбек чопонидаги Роналду, бахшининг қўшиғини тинглаётган Раматов. Ҳафта суратлари
Изоҳ (0)