Ер юзининг турли бурчагида 4 май куни олинган суратларни намойиш қиламиз.

Англия карантин чораларини юмшатишда давом этмоқда. Мамлакатда 17 май куни ҳам COVID-19 пандемияси сабаб жорий қилинган чекловлар юмшатилади.

Фото: Getty Images

Деҳқонобод ҳокими Зоир Алиқулов туман марказига 78 км узоқликдан келган сувни татиб кўриш учун бош вазир ўринбосари Очилбой Раматовга узатмоқда.

Фото: «Дарё» / Отабек Қўлдошев

Star wars фильми куни ҳар йили 4 май санасида бутун дунё бўйлаб нишонланади. Суратда Тайвандаги Тайпэй 101 биносида бўлиб ўтган байрам пайтида фильм персонажи кийимидагилар билан суратга тушаётган мухлис.

Фото: EPA

Австралиядаги пойгалардан сўнг ювинтирилаётган от.

Фото: Getty Images

Филиппин пойтахти Манила шаҳридаги баскетбол майдонида аҳолини «Спутник V» вакцинаси билан эмлаш жараёни.

Фото: EPA

Гонконгдаги YM2 савдо марказида эски Квун Тонг мавзеси макетини суратга олаётган хитойлик.

Фото: Getty Images

Италия пойтахти Рим шаҳридаги «Аргентина» театри коронавирус чекловлари юмаштилгандан сўнг қайта очилди.

Фото: Shutterstock

Амалдаги шаҳар мэри ва навбатдаги Лондон мэрлиги учун Лейбористлар партиясидан номзод Содиқ Хон Earlsfield бокс клубида сайловолди ташвиқоти вақтида британиялик боксчи Жо Жойс билан (полда) суратга тушмоқда.

Фото: EPA

Исроил ҳарбийлари Наблус шарқидаги қишлоқда хавфсизлик операциясини ўтказаётган пайтда фаластинлик қиз ўз уйининг балконидан қараб турибди. Ҳарбийлар қидираётган фаластинлик шахслар бир кун аввал отишма уюштирган. Оқибатда уч нафар Исроил фуқароси яраланган, улардан бири оғир аҳволда.

Фото: Getty Images

Туркиянинг Бингол шаҳридаги йўлни кесиб ўтаётган қўйлар подаси.

Фото: Getty Images

Покистондаги шиа мусулмонлари пайғамбар Муҳаммад (с.а.в.)нинг сафдоши ва куёви Имом Алининг вафот этган кунига бағишланган маросимда қатнашмоқда. Маросим анъаналарига кўра, эркаклар пичоқ, ханжар ёки қилич билан ўз таналарига жароҳат етказади.

Фото: Getty Images

Германиянинг Гамбург шаҳрида қайиқлар Альстер оққушларини кузатиб бормоқда. Ҳар йили қушлар Эппендорф ҳавзасига қишлаш учун олиб келинади.

Фото: AP Photo

Бангалор чеккасидаги оммавий крематорийда COVID-19 оқибатида вафот этган ҳиндистонликнинг қариндошлари марҳумнинг жасадини ёқиш учун тайёргарлик кўрмоқда.

Фото: EPA

Коронавирус чекловлари юмшагандан сўнг қайта очилган Ватикандаги музейга ташриф буюрган одамлар.

Фото: Reuters

Ироқнинг Нажаф шаҳридаги шиа мусулмонлари Али ибн Абу Толиб (р.а.) вафот этганининг 1360 йиллигига бағишланган маросим ўтказмоқда.

Фото: Getty Images

Шри-Ланканинг Коломбо шаҳри яқинида болакайдан коронавирус таҳлили учун намуна олаётган шифокорлар.

Фото: EPA

Ғозиободда 52 ёшли Нанҳе Палнинг рафиқаси нафас олишда қийналаётган эри учун кислород баллони сўраб йиғлаяпти.

Фото: Reuters

Англиянинг Нортамберленд шаҳридаги маёқ деворига урилаётган улкан тўлқинлар.

Фото: PA

Мехикода ерусти метроси эстакадаси поезд юриб кетаётган вақтда қулаб тушди. Воқеа оқибатида ҳалок бўлганлар сони 23 кишига етган, 80 дан ортиқ одам жароҳатланган.

Фото: Getty Images

Непал пойтахти Катмандуда иккинчи коронавирус тўлқини вақтида кўча сотувчиси касалхонанинг ташқарисида ташлаб қўйилган тез ёрдам машинаси ёнида ўтирибди.

Фото: Reuters

Йорктаун шаҳридаги бошланғич мактабга ташриф буюрган Жо Байден ўқувчилар билан суҳбатлашмоқда.

Фото: Reuters