Келес темирйўл чегара божхона постида маданий бойликни олиб чиқишга бўлган уринишга чек қўйилди, деб хабар бермоқда Тошкент шаҳар Божхона бошқармаси.
Келтирилишича, Тошкент—Алмата халқаро йўловчи поезди орқали чет давлатга чиқиб кетаётган йўловчининг юклари божхона назоратидан ўтказилган. Шунда юклари орасида “ИЗБАСКАН 1969 ЖИЛ” ёзуви туширилган 1 дона гилам борлиги аниқланиб, вақтинча сақловга олинди ҳамда ҳолатга аниқлик киритиш мақсадида бадиий экспертиза тайинланди.
Маданий мерос агентлигининг тегишли хулосасига кўра, ушбу гилам бадиий ва тарихий аҳамиятга эга бўлган маданий бойлик сифатида баҳоланиб, Ўзбекистон ҳудудидан олиб чиқилиши мумкин эмаслиги маълум қилинди.
Мазкур ҳолат юзасидан тегишли ҳужжатлар расмийлаштирилиб, тахминий қиймати 5 млн сўмлик мазкур гилам суднинг қонуний қарори қабул қилингунига қадар вақтинча олинди.
Маълумот учун, Вазирлар Маҳкамасининг 1999 йил 23 мартдаги 131-сонли қарорига мувофиқ, 50 йил муқаддам ва ундан ҳам олдинроқ яратилган маданий бойликлар юртимиздан олиб чиқиб кетилишига рухсат этилмайди.
Ҳозирда ашёвий далил сифатида олинган буюмлар Термиз археология музейига топширилган бўлиб, ҳолат юзасидан божхона органлари томонидан текширув ҳаракатлари олиб борилмоқда.
Сурхондарёда 267 та қадимий танга ва тақинчоқ қисмларини бошқа давлатга олиб кетмоқчи бўлган фуқаро ушланганди. Шунингдек, Бухорода тарихий тангалар ва кўкрак нишонларини яширинча Россияга олиб кетаётган шахс ушланган.
Изоҳ (0)