Тошкент шаҳри Чилонзор туманида Cobalt ва Matiz иштирокида йўл-транспорт ҳодисаси содир бўлди, дея хабар қилмоқда ЙҲХББ.
Қайд этилишича, 1 май куни соат 12:30 ларда Тошкент шаҳар Чилонзор тумани Бунёдкор шоҳ кўчасида Matiz ҳамда Cobalt русумли автомобиллар иштирокида тўқнашув содир бўлиб, транспорт воситалари ағдарилган.
Натижада Cobalt русумли автомобиль ҳайдовчиси ва икки нафар йўловчисига ҳамда Matiz русумли автомобилнинг икки нафар йўловчисига биринчи тез тиббий ёрдам кўрсатилган.
Мазкур ЙТҲ юзасидан Тошкент шаҳар ИИББ ЙҲХБ ходимлари томонидан суриштирув ишлари олиб борилиб, тўқнашув юзага келиш сабабларига ойдинлик киритилмоқда.
Бундан аввал Фарғонада икки Damas тўқнашуви оқибатида ҳайдовчилардан бири вафот этгани, Деҳқонободда бошқарувни йўқотган Cobalt ҳайдовчиси «Жигули»га урилгани ҳамда Тошкентда дарахтга урилган Lacetti’нинг 25 ёшли ҳайдовчиси вафот этгани ҳақида хабар берилганди.
Изоҳ (0)