Фарғона давлат университетида коронавирус юқтириб олиш ва вирус тарқалиши хавфини олдини олиш мақсадида 26 апрелдан 14 кунлик карантин жорий этилди деб ёзмоқда ЎзА.
Дарс машғулотлари 27 апрелдан бошлаб онлайн шаклда амалга оширилади.
Карантин даврида олий таълим муассасаси ходимлари, профессор-ўқитувчилари ва талабалари орасида коронавирус юқтириб олиш ҳолатлари кузатилмаса, яна анъанавий шаклга қайтиш белгиланган.
Аввалроқ Тошкент давлат шарқшунослик университетида дарслар 22 апрелдан масофавий шаклга ўтказилгани, ЎзЖОКУда масофавий таълим ўқув йили охиригача давом эттирилиши ҳақида хабар берилган эди.
Бундан аввал Жисмоний тарбия ва спорт университети ва Жаҳон тиллари университети ҳамда унинг академик лицейи ҳам ўқув жараёнлари онлайн шаклга ўтказилганди. Жаҳон иқтисодиёти ва дипломатия университети 19 апрелдан, Самарқанд иқтисодиёт ва сервис институтида эса 20 апрелдан 14 кунга масофавий шаклга ўтказилгани ҳақида хабар берилганди.
Изоҳ (0)