Коронавируснинг «африкача» штамми бошқа штаммлардан кўра оғирроқ кечади. Бу ҳақда Коронавирусга қарши курашиш штаби аъзоси Севара Убайдуллаева маълум қилди.
— «Африкача» штаммнинг алоҳида белгилари борми, олдин аниқланган турлардан нимаси билан фарқ қилади?
– «Африкача» штаммнинг алоҳида белгиси бошқа мутацион штаммларга нисбатан оғирроқ кечувидадир. Яна бир хусусияти, мазкур штаммни юқтирган одамларда касаллик бирданига бошланиб, жадал кечади ва қисқа муддатда ўпканинг катта соҳаларини жароҳатлайди. Шу боис касаллик бошқа штаммларга нисбатан оғирроқ кечади, – дейди Севара Убайдуллаева.
Маълумот учун, коронавирусни юқтирганлар сони кунлик 300 нафардан ошиб бориши ортидан бош вазир Абдулла Арипов раислигида коронавирусга қарши кураш комиссиясининг кенгайтирилган йиғилишида Ўзбекистонда вируснинг «африкача» штамми ҳам аниқлангани айтилганди.
Бундан ташқари, Ўзбекистонда «британча» штамм 30 январь куни аниқланган эди. Штаммнинг Ўзбекистондаги илк бемори – 10 ёшли қизалоқ 12 кун шифохонада даволангандан сўнг уйга жавоб берилган.
Изоҳ (0)