Farg‘ona davlat universitetida koronavirus yuqtirib olish va virus tarqalishi xavfini oldini olish maqsadida 26-apreldan 14 kunlik karantin joriy etildi deb yozmoqda O‘zA.
Dars mashg‘ulotlari 27-apreldan boshlab onlayn shaklda amalga oshiriladi.
Karantin davrida oliy ta’lim muassasasi xodimlari, professor-o‘qituvchilari va talabalari orasida koronavirus yuqtirib olish holatlari kuzatilmasa, yana an’anaviy shaklga qaytish belgilangan.
Avvalroq Toshkent davlat sharqshunoslik universitetida darslar 22-apreldan masofaviy shaklga o‘tkazilgani, O‘zJOKUda masofaviy ta’lim o‘quv yili oxirigacha davom ettirilishi haqida xabar berilgan edi.
Bundan avval Jismoniy tarbiya va sport universiteti va Jahon tillari universiteti hamda uning akademik litseyi ham o‘quv jarayonlari onlayn shaklga o‘tkazilgandi. Jahon iqtisodiyoti va diplomatiya universiteti 19-apreldan, Samarqand iqtisodiyot va servis institutida esa 20-apreldan 14 kunga masofaviy shaklga o‘tkazilgani haqida xabar berilgandi.
Izoh (0)