Хайрулла Умаров Бандлик ва меҳнат муносабатлари вазирлиги ҳузуридаги Ташқи меҳнат миграцияси агентлигига раҳбар этиб тайинланди. Бу ҳақда вазирлик матбуот хизмати маълум қилди.
Тайинловга қадар Хайрулла Умаров Ташқи меҳнат миграцияси агентлиги бошлиғи биринчи ўринбосари лавозимида ишлаб келган.
Ушбу лавозимда у агентликка 2020 йилнинг июлидан раҳбарлик қилиб келган Муҳаммадзокир Маматхонов ўрнини эгаллади. Муҳаммадзокир Маматхонов 2021 йилнинг февралида Наманганнинг Уйчи туманига ҳоким этиб тайинлангач, ушбу лавозим вакант бўлиб қолган эди.
Эслатиб ўтамиз, агентликка 2018 йилдан буён раҳбарлик қилган Равшан Ибрагимовга коррупция, жиноий фаолиятдан олинган даромадларни легаллаштириш, компьютер ахборотидан қонунга хилоф равишда фойдаланиш бўйича жиноят иши қўзғатилиб, 2019 йилда суд ҳукми эълон қилинган ва 12 йилга озодликдан маҳрум қилинган эди.
Изоҳ (0)