Покистон жануби-ғарбий қисмида жойлашган Белужистон вилояти Кветта шаҳридаги Серена меҳмонхонасининг автотураргоҳида портлаш содир бўлди. Ҳодиса оқибатида камида тўрт киши ҳалок бўлган, 12 киши жароҳатланган, деб ёзади Reuters.

Маълум бўлишича, портлаш воқеа жойидан бир неча километр радиусдаги маҳаллий аҳолига ҳам эшитилган. Портлаш содир бўлган жойга фавқулодда вазият ходимлари келиб, жабрланганларни касалхоналарга етказишган.

Тахминларга кўра, теракт ташкилотчилари хизмат сафари чоғида ушбу меҳмонхонага жойлашган Хитой элчисини ўлдирмоқчи бўлган. Покистон ички ишлар вазири Шайх Рашид Аҳмаднинг сўзларига кўра, ўша пайтда Хитой элчиси Нонг Ронг тадбирдалиги сабабли портлаш пайтида меҳмонхонада бўлмаган. Ҳодиса дипломат меҳмонхонага қайтишидан бир неча дақиқа олдин юз берган.

BREAKING 🚨 Massive explosion in Quetta’s Serena Hotel in Pakistan. Four dead. Attack was reportedly aimed at Chinese Ambassador. Blast occurred just minutes before his arrival at the scene. pic.twitter.com/4gM7vqQ7qN

— Insider Paper (@TheInsiderPaper) April 21, 2021

Аввалроқ Индонезиянинг нефтни қайта ишловчи Pertamina Balongan заводида содир бўлган ёнғин оқибатида 5 киши қаттиқ куйгани, 15 киши енгил жароҳат олгани ҳақида хабар берилганди. Мумбайдаги Dreams Mall савдо марказида жойлашган коронавирус беморлари даволанаётган Sunrise Hospital шифохонасида содир бўлган ёнғин оқибатида эса 10 киши ҳалок бўлган.