Россия президенти Владимир Путин 21 апрель куни Федерал Мажлисга 78 дақиқа (1 соат 18 дақиқа) давомида йиллик мурожаатини ўқиб эшиттирди.
Давлат раҳбарининг парламентга йиллик мурожаати — бу президентнинг мамлакатни яқин келажакдаги ривожланиши стратегик йўналишлари ҳақидаги қарашларини ифодаловчи дастурий ҳужжат. 2021 йилги мурожаатнинг муҳим қисми мамлакатни ривожлантириш, демография ва фуқароларни ижтимоий қўллаб-қувватлаш чораларига бағишланди.
Мурожаатнинг асосий масалалари қуйидагилардан иборат бўлди:
Фуқароларга оид
- Ҳокимият озиқ-овқат маҳсулотларига мажбурий нархлар ўрнатмайди.
- Ҳукумат хонадонларга бепул газ улаш имконини берадиган газлаштириш режасини ишлаб чиқиши керак.
- Уч йил ичида асосий давлат ва коммунал хизматлар 24/7 режимида онлайн тарзда тақдим этилиши керак.
- Тўлиқ бўлмаган оилаларда яшовчи 8 ёшдан 16 ёшгача бўлган болаларга ойига 5650 рубль (73,789 доллар)миқдорида пул берилади.
- Эҳтиёжманд ҳомиладор аёлларга ойига 6350 рубль (82,931) тўланади.
- Мактаб ёшидаги болалари бор оилаларга ҳар бир бола учун август ойи ўрталарида 10 минг рублдан (130,60 доллар) тўланади.
- 2021 йилданоқ етти ёшгача бўлган болани парваришлаш учун касаллик бўйича таътилда бўлган оналарга меҳнат стажидан қатъи назар, иш ҳақини 100 фоиз миқдорда тўлаш бошланади.
- Туризм хизматларида тўловнинг 20 фоизини қайтариб бериш дастури йил охиригача узайтирилади. Бу йил болалар ёзги оромгоҳга борганларида йўлланма нархининг ярми қайтарилади.
- Ҳудудларнинг бутун ҳажми ўз даромадларидан 25 фоизга ошиб кетган тижорий қарзлари муддати 2029 йилгача бўлган бюджет кредитлари билан алмаштирилади.
- Ҳудудларга инфратузилма учун муддати 15 йиллик ва ставкаси йилига 3 фоиздан ошмайдиган бюджет кредитлари берилади.
- Москва—Қозон тезюрар автомагистрали Екатеринбурггача узайтирилади ва уч йил ичида қуриб битказилади.
- Пандемия оқибатларига қарши курашиш учун минтақаларга ажратилган бюджет кредитлари қайта тузилади.
- 2030 йилга келиб мамлакатда ўртача умр кўриш давомийлиги 78 ёшга етиши керак (2019 йилда — 73,3 эди).
- 1 июлдан бошлаб барча ёшдаги фуқароларни тиббий ва касбий кўрикдан ўтказиш дастурлари кенгайтирилади.
- Кейинги уч йилда қишлоқларга қўшимча равишда 5 мингта тез ёрдам машинаси берилади.
- Маданий ташаббуслар учун Президент жамғармаси яратилади, 2021 йил унга 3,5 миллиард рубль ажратилади.
- Кейинги икки йилда педагогика университетларини жиҳозлаш учун 10 миллиард рубль (13046518.67 доллар) ажратилади.
- Университетларда яна 45 минг бюджет ўринлари очилади.
- 1 миллион бола учун 1300 та янги мактаб қурилади.
- Уй-жой коммунал хизмат кўрсатиш тизими, инфратузилма ва агросаноат мажмуаси иқлим ўзгаришига мослаштирилиши керак. Углерод чиқиндилари устидан қатъий назорат тизими яратилади.
- Маҳсулотларни етказиб бериш учун ишлаб чиқарувчилар ва импорт қилувчиларнинг жавобгарлиги кенгайтирилади. Атроф-муҳитга етказилган зарар учун корхона эгаларининг молиявий жавобгарлиги тўғрисидаги қонунни қабул қилиш тезлаштирилади.
- Чет элликларга Россия Федерациясига виза олиш учун масофадан туриб, ортиқча расмиятчиликсиз ва тўрт кун ичида мурожаат қилишларига рухсат берилади.
- «Шерхоннинг атрофида майда Табакилар айланиб юрибди, ўз олий ҳукмронининг оғзини мойлаш учун увуллаяпти. Киплинг — буюк ёзувчи» (Шерхон ва Табаки Редярд Киплингнинг Маугли ҳақидаги асари қаҳрамонлари).
- «Агар кимдир бизнинг яхши ниятларимизни бефарқлик ёки заифлик деб билса ва кўприкларни ўзи ёқмоқчи бўлса ёки ҳатто портлатмоқчи бўлса, у Россиянинг жавоби ассиметрик, тезкор ва қатъий бўлишини билиб қўйиши керак».
- «Бизда ҳар қандай қарорни қабул қилишда етарлича сабр-тоқат, масъулият ва соғлом фикр мавжуд. Умид қиламанки, Россия билан муносабатларда ҳеч ким ‘қизил чизиқ’дан ўтишни ўйламайди, қаерда бу ҳолат юз беришини ўзимиз аниқлаймиз».
- «Хавфсизлигимизнинг асосий манфаатларига таҳдид солувчи ҳар қандай провокация ташкилотчилари қилган ишларидан қаттиқ пушаймон бўлади».
- «Россия ўз манфаатларини ҳимоя қилади. Ғарб Александр Лукашенкони ўлдиришга уринишни сезмагани ва қораламагани характерлидир. Унинг сиёсатига хоҳлагандай муносабатда бўлиш мумкин, аммо давлат тўнтариши ва сиёсий суиқасдларни ташкиллаштириш — бу меъёрдан чиқиш».
Президентнинг рекорд даражада узоқ давом этган мурожаати 2018 йилда бўлиб, у 1 соат 55 дақиқага чўзилган. Тахминан 48 дақиқалик энг қисқа мурожаатлари 2004 ва 2005 йилларда бўлган.
Изоҳ (0)