Бутун Россия бўйлаб Навальнийни қўллаб-қувватлаб ўтказилган акцияларда 1700 га яқин одам ҳибсга олинди (фото)
Россия шаҳарларида 21 апрель куни мухолифатчи Алексей Навальнийни қўллаб-қувватлаш бўйича келишилмаган ҳаракатлар бўлиб ўтди. Акция талаблари орасида мухолифатчига малакали тиббий ёрдам кўрсатиш ҳам бор. Реал вақт режимида ҳисоблаб борувчи «ОВД-Инфо» харитасига кўра, намойишда 1691 киши ҳибсга олинган. Қўлга олинганларнинг энг кўпи Санкт-Петербург шаҳрига тўғри келмоқда — 774 киши. Акция Москвада қай кўринишда бўлиб ўтгани ҳақида «РБК» фоторепортаж тайёрлади.
Намойишчилар кечки соат еттиларда Москва марказида йиғилишни бошладиФото: «РБК»
Кеч тушмасдан Тверская кўчаси ва Давлат Думаси олдида кўплаб одамлар тўпланиб бўлган эдиФото: «РБК»
20:30 да Москва полицияси акциянинг 6 минг иштирокчисини санадиФото: «РБК»
Фото: «РБК»
21 апрель, чоршанба куни эрталаб Москва марказидаги Кремль ва «Манеж» марказий кўргазма залининг қаршисида жойлашган Москва давлат университетининг журналистика факультетида таълим масофавий режимга ўтказилиши маълум бўлди. Маъмурият буни Путиннинг Федерал мажлисга мурожаат йўллаши муносабати билан юзага келиши мумкин бўлган тўқнашувлар билан изоҳлади. (тадбир чоршанба куни тушдан кейин «Манеж»да бўлиб ўтди)
Ёзувчи Дмитрий Биков Москва марказидаги Тверская кўшасидаФото: «РБК»
Прокуратура Навальний томонидан ташкил этилган Коррупцияга қарши кураш фонди (Адлия вазирлиги томонидан хорижий агент сифатида тан олинган) ва мухолифат штаб-квартирасини экстремистик ташкилотлар деб тан олишни талаб қилганидан икки кун ўтгач, Навальний тарафдорлари ушбу янги норозилик акциясини эълон қилди.Фото: «РБК»
Намойишчиларнинг талаблари орасида Навальнийга малакали тиббий ёрдам кўрсатиш кераклиги ҳам борФото: «РБК»
31 март куни Навальний очлик эълон қилган эди. У бели ва оёғида оғриқ зўрайгани, аммо унга керакли дорилар берилмагани ва шифокорлар юборилмагани сабабли шундай қарорга келганини айтган. Москвалик олим Навальний билан бирдамлик белгиси сифатида очлик акцияси эълон қилди. Ўнлаб одамлар уни қўллаб-қувватлаган. Олим ўз ҳаракатининг асосий мақсади колониядаги Навальнийни шифокор текширувдан ўтказишга ва унга малакали тиббий ёрдам кўрсатишга чақириш эканини таъкидлаган.
Федерал жазони ижро этиш хизмати Навальнийга барча зарур тиббий ёрдам кўрсатилаётгани ҳамда шифокорлар унинг аҳволини қониқарли деб баҳолаётганини даъво қилмоқда.
«20 апрель куни Владимир вилоятидаги давлат касалхоналарининг фуқаролик шифокорлари Алексей Навальний ёнига ташриф буюрди», — деди Россиядаги инсон ҳуқуқлари бўйича омбудсман Татяна Москалкова. Унинг сўзларига кўра, Навальнийнинг соғлиғи тўғрисида ҳозирча «жиддий ташвиш» мавжуд эмас.
Алексей Навальнийнинг хотини Юлия ва укаси ОлегФото: «РБК»
Изоҳ (0)