Ўзбекистон Россиядаги мигрантларни олиб келиш учун яна бир поездни йўлга қўяди. Волжский—Тошкент йўналишидаги рейс 23 апрель санасига мўлжалланган, деб хабар беради «Россия темир йўллари» матбуот хизмати.
Поезд Волжский станциясидан 23 апрель куни соат 20:50 да йўлга чиқади ва Россия ҳуқуқида бошқа қўшимча тўхташларни амалга оширмайди. Чипталар савдоси ҳозирда очилган.
Йўловчилар чиптани расмийлаштириши учун Россия ҳудудидаги исталган темир йўл кассасига мурожаат қилиб, Ўзбекистон фуқаролигини тасдиқловчи ҳужжатни тақдим этишлари керак.
Бундан ташқари, поезд чипталарини «Россия темир йўллари»нинг расмий сайти, шунингдек, «РЖД Йўловчиларга» мобил дастури орқали расмийлаштириш мумкин.
Эслатиб ўтамиз, Россия Транспорт вазирлиги ҳамда «Россия темир йўллари» 2020 йил сентябрь ойининг охирида ва октябрь ойининг бошида Ўзбекистон фуқароларини ўз уйига қайтариш учун Волжский—Тошкент йўналишида ўнта махсус поезд ташкил қилган ва умумий ҳисобда 11 мингдан ортиқ ўзбекистонлик ўз юртига қайтарилган эди. 2021 йилнинг мартида Волжский—Тошкент йўналишида ҳаракатланадиган 483/484-сонли поезди орқали яна бир гуруҳ Ўзбекистон фуқаролари олиб келинган эди.
Изоҳ (0)