O‘zbekiston Rossiyadagi migrantlarni olib kelish uchun yana bir poyezdni yo‘lga qo‘yadi. Voljskiy—Toshkent yo‘nalishidagi reys 23-aprel sanasiga mo‘ljallangan, deb xabar beradi “Rossiya temir yo‘llari” matbuot xizmati.
Poyezd Voljskiy stansiyasidan 23-aprel kuni soat 20:50 da yo‘lga chiqadi va Rossiya huquqida boshqa qo‘shimcha to‘xtashlarni amalga oshirmaydi. Chiptalar savdosi hozirda ochilgan.
Yo‘lovchilar chiptani rasmiylashtirishi uchun Rossiya hududidagi istalgan temiryo‘l kassasiga murojaat qilib, O‘zbekiston fuqaroligini tasdiqlovchi hujjatni taqdim etishlari kerak.
Bundan tashqari, poyezd chiptalarini “Rossiya temir yo‘llari”ning rasmiy sayti, shuningdek, “RJD Yo‘lovchilarga” mobil dasturi orqali rasmiylashtirish mumkin.
Eslatib o‘tamiz, Rossiya Transport vazirligi hamda “Rossiya temir yo‘llari” 2020-yil sentabr oyining oxirida va oktabr oyining boshida O‘zbekiston fuqarolarini o‘z uyiga qaytarish uchun Voljskiy—Toshkent yo‘nalishida o‘nta maxsus poyezd tashkil qilgan va umumiy hisobda 11 mingdan ortiq o‘zbekistonlik o‘z yurtiga qaytarilgan edi. 2021-yilning martida Voljskiy—Toshkent yo‘nalishida harakatlanadigan 483/484-sonli poyezdi orqali yana bir guruh O‘zbekiston fuqarolari olib kelingan edi.
Izoh (0)