Сурхондарё вилоятидаги «Сурхон» подстанциясини «Ғузор» подстанцияси билан боғловчи 500 кВли электр узатиш тармоғи қайта тикланди. Бу ҳақда Энергетика вазирлиги матбуот хизмати хабар берди.
4 апрель куни Сурхондарё вилояти Қумқўрғон туманида кучли ёғингарчилик ва шамол оқибатида «Сурхон» ва «Ғузор» подстанциялари оралиғидаги 500 киловаттли Л-508 ҳаво электр узатиш тармоғининг иккита таянчи қулаган эди.
«Ўзбекистон миллий электр тармоқлари» акциядорлик жамиятининг махсус бригадалари томонидан ушбу ҳолатни бартараф этиш учун чора-тадбирлар олиб борилган ва 7 апрель куни мазкур таянчларни тиклаш ишлари тўлиқ якунланиб, электр узатиш тармоғи қайта тикланган.
Эслатиб ўтамиз, 1 апрель куни Наманганда кузатилган кучли шамол 3 қаватли бино томини учириб юборган эди.
Изоҳ (0)